I konkurranse med over hundre andre deltakarar frå heile landet vann 10-åringen frå Stord skrivekonkurransen til Framtida Junior. I premie får ho 500 kroner og abonnement på Framtida Junior.
– Det er veldig kjekt å vinna, seier Andrea Alfsvåg Kaldestad og innrømmer at ho blei overraska då ho fekk beskjeden på skulen.
I eventyret skriv ho om ei jente som heiter Guro som har ei magisk miljøkraft og blir henta av ei ørn for å redda naturen.
- LES OGSÅ: Bli med på ny skrivekonkurranse
Har skrive si eiga bok
Andrea Alfsvåg Kaldestad fortel at ho likar godt å lesa, og at ho òg likar å skriva.
– Eg ein app på ipaden der eg kan skriva mine eigne bøker legga inn bilde. Eg har skrive ei bok, og har begynt på nokre andre.
– Kva er det som er kjekt med å skriva?
– Eg synest det er litt gøy for når eg les så kjem eg inn i historiane. Og når eg skriv sjølv så prøver eg koma inn i mine eigne historiar.
– Kva skal du bli når du blir vaksen?
– Då vil eg bli forfattar og sjukepleiar. Eg har lyst til å bli forfattar fordi eg likar så godt å skriva. Og så vil eg bli sjukepleiar for å hjelpa dei som er sjuke.
- LES OGSÅ: Vinnarteksten til Andrea
