Du veit dei små, svarte kulene som du finn overalt i huset og bagen etter ein tur på fotballbana? Desse vil det etter kvart bli slutt på. Eller, dei må i alle fall endre innhald.
Kulene som blir brukt på kunstgrasbaner i dag, inneheld nemleg mikroplast. Ifølgje Miljødirektoratet er desse bitane blant dei største kjeldene til at mikroplast blir spreidd i naturen. Årleg endar om lag seks prosent av gummigranulatet opp utanfor fotballbanene.
Denne veka røysta EU-kommisjonen fram eit forbod mot gummigranulat på kunstgrasbaner, melder NTB.
VG skriv at det er rundt 1700 kunstgrasbaner her til lands. Utbygginga av nye kunstgrasbaner har likevel falle med 70 prosent sidan 2019.
- Saka blei først laga for Framtida.no!
