Han har sletta både TikTok og Instagram frå mobilen sin.
– Eg sletta TikTok og Instagram frå mobilen for nokre månader sidan, og eg må seia at det er heilt vilt kor digg det er å slutta med den dommedagsskrollinga, seier Westerlin til NRK.
Han fortel at han før kunne bruka veldig mykje tid på mobilen.
– Eg køddar ikkje, nokre dagar hadde eg opp mot tolv timar skjermtid, seier han.
No brukar han berre Instagram på PC-en heime, eller på ein eigen jobbtelefon.
Merka stor forskjell
Westerlin seier at han merka ein stor forskjell då han slutta å skrolle heile tida.
– Hjernen din blir berre eggerøre når du skrollar TikTok etter TikTok. Det er ikkje det vi er skapte for, seier han.
I staden for å sjå på alt andre legg ut, vil han heller laga eigne ting.
– No skal eg promotera, ikkje konsumera, seier han.
Westerlin oppmodar folk om å ikkje slutta å følgja han, men heller sjekka innom av og til. Han fortel at han prøver å leggja ut tre–fire innlegg om dagen, og at dette no skjer gjennom jobbtelefonen.
