Fleire barn blir fødde og fleire flyttar til Noreg

Her til lands blir det stadig fleire menneske. Det var heile 5 627 400 personar i Noreg ved inngangen til 2026. Talet auka fordi fleire vart fødde enn som døydde, og det var fleire som flytta til enn ut av landet.

I 2025 vart nesten 55 400 barn fødde i Noreg. Det er 1 400 fleire enn året før. Det betyr at det var fleire som vart fødde enn som døydde i landet.

Det flytta også mange menneske til Noreg i 2025. I alt 55 243 personar innvandra, medan 32 919 flytta ut. Det betyr at 22 324 fleire personar flytta til Noreg enn frå landet, skriv Forskning.no.

Samla førte dette til at folketalet i Noreg voks med 33 100 menneske i løpet av 2025.