Henley Passport Index har laga ei liste over dei mektigaste passa i verda.
Eit mektig pass er eit pass som gir eigaren moglegheit til å reise til mange land utan å søke om visum først. Eit visum er ei tillating til å reise inn i eit land.
I 2026 er det Singapore som har det mektigaste passet. Eigaren av eit singaporsk pass kan reise til 192 av verdas 227 land og territorium utan å søke om tillating først, skriv CNN.
Noreg er på fjerdeplass på lista. Med eit norsk pass kan du reise til 185 land utan å søke om visum.
Nedst på lista, på 101.-plass, ligg Afghanistan. Eigaren av eit afghansk pass kan berre reise til 24 land utan å søke om tillating først.
Verdas mektigaste pass 2026
- Singapore
- Japan, Sør-Korea
- Danmark, Luxembourg, Spania, Sverige, Sveits
- Austerrike, Belgia, Finland, Frankrike, Tyskland, Hellas, Irland, Italia, Nederland, Noreg
- Ungarn, Portugal, Slovakia, Slovenia, Dei sameinte arabiske emirata
- Kroatia, Tsjekkia, Estland, Malta, New Zealand, Polen
- Australia, Latvia, Liechtenstein, Storbritannia
- Canada, Island, Litauen
- Malaysia
- USA
