Rohingya er ei folkegruppe som har måtta flykta frå landet sitt, Myanmar, fordi dei ikkje blei behandla rettferdig der. Dei bur no i store flyktningleirar i nabolandet Bangladesh.
Det er FN sin barneorganisasjon Unicef som fortel dette til NRK. Dei seier endå fleire lærarar kan miste jobben.
Sluttar å hjelpe
Grunnen til at dette skjer, er at fleire land har slutta å gi bistand – det betyr pengar og hjelp frå rike land til fattige land.
USA er eitt av landa som har kutta mykje i pengestøtta, skriv nyheitsbyrået AFP.
Oppseiingane gjeld både barnehagar og barneskular i leirane. Der bur det om lag éin million rohingya-flyktningar. Før pengane blei kutta, jobba det om lag 4000 lærarar ved skulane.
