Rekordår for kollektivtransport

I fjor blei det registrert 729 millionar reiser med kollektivtransport i Noreg. Det er det høgaste talet nokosinne, ifølgje Statistisk sentralbyrå.

Det melder NTB.

61 prosent av reisene blei gjort med buss, 27 prosent med trikk, T-bane eller bybane, 11 prosent med tog og 1 prosent med båt.

I gjennomsnitt reiste kvar nordmann 131 gonger kollektivt i 2024 og til saman brukte vi 17 milliardar kronar på billettar.