Ifølgje libanesiske styresmakter er over 3000 drepne, 15 000 såra og 1,2 millionar menneske drivne på flukt i Libanon sidan oktober 2023, skriv NRK.
Israel skal no ha gått med på å trekke ut soldatane sine frå det sørlege Libanon, som dei sidan september i år har okkupert. Det skal skje i løpet av to månader. Hizbollah skal på si side ha gått med på å trekke ut styrkane sine på grensa til Israel, melder VG.
Etter avtalen har Hizbollah erklært siger over Israel, skriv NTB. Våpenkvila held fram sjølv om begge sider skuldar den andre for brot.
USAs president Joe Biden seier våpenkvila er laga for å vere ein permanent slutt for kampane. Han svarar vidare at han trur og håpar at det også skal kome på plass ei våpenkvile i Gaza medan han er president.
Les også: Libanon: Barn får ikkje gå på skule og fleire er drepne
