– Me har testa ein rugemaskin, og klekt fram kyllingar, fortel Jacob Almås (11).
Klassen fekk låna rugemaskinen av ein bonde. Han kom òg med egg til skulen.
Klassen fekk 21 dagar til å ruga ut egga. Dei har passa på å fylla på med vatn i rugemaskinen to gonger om dagen.
Døydde
Undervegs har dei lyst på egga for å sjå om det er kylling i dei og korleis dei utvikla seg.
Den fjerde veka er det fleire kyllingar som hakkar seg ut av egga dei ligg i.
– Det var éin kylling som døydde. Den eine kyllingen hakka på den som døydde. Det var trist, fortel Ida Skaarhaug Mathisen (11). Klassen arrangerte gravferd for den døde kyllingen.
Lærerikt
Alle dei andre kyllingane er friske og raske. Klassen bytar på kven som har ansvar for kyllingane. Kvar dag får dei mat og vatn.
– Me har lært veldig masse om kyllinger og kyllingegg, seier Leah Hahtokari (11).
