Spelte i 73 timar – samla inn over éin million kroner til psykisk helse

Mental Helse Ungdom meiner pengane vil redde liv.

Frå torsdag til søndag gama Nerdelandslaget 73 timar i strekk, for å samle inn pengar til Mental Helse Ungdom. Temaet var «snakk om det».

Innan tida var ute hadde gamarane samla inn over 1 million kroner.

Instagram skriv Mental Helse Ungdom at streamen har hjelpt mange til å våge å «snakke om det», og at innsatsen reddar liv:

– I 73 timar i strekk har denne gjengen bydd på seg sjølv, gjeve blod, sveitte og tårer (bokstavleg talt) for at fleire barn og unge skal få hjelp. Dei har snakka om det som er vanskeleg. Dei har snakka om det som er viktig, skriv organisasjonen.


Les også: 13 speletips til deg som diggar gaming

Foto: Mediatonic / Devolver Digital