Denne saka var først publisert hjå Framtida.no. Der kan du også lesa om at det er Stor interesse for humanistisk konfirmasjon og at Fråværsreglane blir gjeninnførte i haust.
– Eg må drive med idrett og har alltid masse smerter den første dagen. Eg kunne ikkje kjempe mot naturen. Eg skulle verkeleg ønske eg kunne vere ein mann og slapp å slite med det. Det er vanskeleg.
Det sa den kinesiske stjerneskotet Qinwen Zheng (19) ifølgje NRK på pressekonferansen etter å ha tapt mot polske Iga Swiatek i French Open.
19-åringen har overraska mange i årets French Open. Ho er rangert som nummer 74 i verda, men har slått ut fleire store stjerner i turneringa.
I kampen mot Swiatek måtte Zheng ta ein medisinsk pause. Etter tapet fortalde ho pressa at det var på grunn av magesmerter, som hindra ho i å få ut sitt aller beste.
40-100 mensdagar i året
Basert på ein gjennomsnittleg menstruasjonssyklus, som er 28 dagar, og ein blødningsperiode som normalt kan vere frå 3-8 dagar, vil ei gjennomsnittleg kvinne ha mensen i rundt 40-100 dagar i året.
Det betyr at mange idrettsutøvarar vil vere påverka av mensen under både trening og konkurransar, noko som har fått meir merksemd den siste tida.
Fleire store tennisstjerner hyllar 19-åringen for openheita, mellom anna puertoricanske Mónica Puig. På Twitter rosar ho tenniskollega Zheng for å setje fokus på noko som påverkar kvinnelege idrettsutøvarar.
– For ikkje å nemne den mentale påkjenninga det er å spele to veker i kvitt og be til høgare makter om at ein ikkje får mensen under Wimbledon.
Definitely something that affects female athletes! Finally bringing it to everyone’s attention! Not to mention the mental stress of having to wear all white at Wimbledon and praying not to have your period during those two weeks. https://t.co/PzyHnPlSJk
— Monica Puig (@MonicaAce93) May 31, 2022
