Barn meiner at denne filmnissen er mest truverdig

Skodespelaren Lord Richard Attenborough er kåra til den mest truverdige filmnissen. Han spela rolla som Kris Kringle i julefilmen Mirakelet på Manhattan.

Med kvitt skjegg, rubinraud pels og skinande knappar av gull spela Lord Richard Attenborough rolla som julenissen i “Mirakelet på Manhattan”. Det gjorde at han fekk heile 76 prosent av stemmene då den mest truverdige nissen skulle kårast.

Den minst truverdige filmnissen blei David Huddleston. Berre 18 prosent av barna gav si stemme til han.

Det var 5700 barn frå heile verda som deltok i spørjeundersøkinga. 100 barn i 57 ulike land, skriv OnBuy.com i ei pressemelding.

På andreplass i kåringa kom skodespelaren Edward Asner som spela rolla som julenissen i filmen “Elf”. På tredjeplass kom skodespelaren Tim Allen som spela nissen i filmen “Nå er det jul – igjen”.