Miljøagentane hausta poteter på torget – laga chips

Ekstra kortreiste poteter blei chips på open dag på Sunnhordland Museum.

I vår fekk miljøagentane på Stord vera med på å planta poteter i nokre store plantekassar på Torget på Leirvik på Stord.

Tidlegare i haust tok miljøagentane opp nærare ti liter poteter frå Torget. Bonden Kjell Lønning og Lønning Lutlandbruk hjelpte til med å skaffa fire slag settepoteter i vår, og miljøagentane fekk smaka forskjellen på potetene då dei blei steikt i solsikkeolje på bålpanne i Parken.

PLUKKA POTETER: Noor Fadlallah M. Burmam, Severin Langaker og Mats Bekkenes finn poteter på Torget på Leirvik. Foto: Svein Olav B. Langåker

No håpar miljøagentane at kommunen skal leggja til rette for endå meir dyrking av mat i sentrum. For nokre veker sidan var Miljøagentane på Stord på besøk hos ordføraren og leverte innspel til kommuneplanen til Stord.

CHIPSLAGING: Malene Ruhs Langåker, Mari B. Langåker og Noor Fadlallah M. Burma brukte ostehøvel for å laga potetchips. Foto: Svein Olav B. Langåker