Vedtaket gjorde at det ikkje lenger var økonomisk eller sosial status som avgjorde om du fekk røyste eller ikkje.
17. juli i år er det 100 år sidan det vart røysterett for alle i Noreg.
– Det er jo eit viktig jubileum å feire, fordi det er lett å gløyme at retten til å stemme har vorte vunne fram skritt for skritt, seier Stortingspresident Tone Wilhelmsen Trøen til NTB.
Fattighjelp tok frå det retten
Nesten 50.000 personar fekk ikkje stemme ved valet i 1915 fordi dei hadde fått fattighjelp frå det offentlege. Å få økonomisk støtte til dømes for å kjøpe skolebøker og klede til barna, var nok til å miste retten til å stemme.
Kvinner fekk røysterett i 1913
Sjølv om kvinner fekk røysterett i 1913 var det mange som i praksis ikkje fekk bruke han, på grunn av regelen om at fattigfolk ikkje fekk røyste.
