Saka stod på trykk i ei lengre utgåve på Framtida.no
Infrastruktur heiter det på fint, det dei steller med, og akkurat desse oppgåvene – vatn og avløp, elektrisitet, renovasjon og trådlaus kommunikasjon – er dei som vi nyt godt av i hus og heim.
– Dette er kanskje blant dei viktigaste oppgåvene, for dei vedgår folk flest direkte. Eg ønskjer å få folk til å tenkje litt over det. Kva ville dei ha gjort om ikkje all denne infrastrukturen var på plass? seier sivilingeniør, tidlegare ungdomsskulelærar og forfattar Torgeir Bryge Ødegården.
Skrive bok
Ødegården har skrive boka «Norsk infrastruktur», som handlar om nettopp desse fire funksjonane og historia, fysikken, logistikken og teknologien bak dei.
Enklare no enn tidlegare
Vi som lever i dag, har ein enklare kvardag enn før, men vi er samtidig alle med på å forbruke meir enn det miljø og klima kan tole på sikt. Ødegården håper derfor han kan bidra til å gjere folk litt meir medvitne infrastrukturbrukarar ved å kaste mindre søppel, ta vare på vatnet og ikkje sløse med energien.
