Advent er ventetida før jul. Ei magiske tid, som mange barn har eit forhold til. «Advent» betyr eigenteleg «Herren kjem», og då er det Jesusbarnet vi tenkjer på.
Fyrste søndag i advent markerer starten på kyrkjeåret. I år er fyrste søndag i advent 3. desember. Då er det vanleg å ha ein adventstake med fire lys. I Noreg brukar vi å tenne lys kvar søndag før jul. Då syng ein enten «Tenn lys», skrive av Eyvind Skeie, eller les diktet «Så tenner vi et lys i kveld» av Inger Hagerup.
Adventsfargen er lilla, sjølv om mange også brukar både raudt og kvitt. Lilla er symbol på bot, anger, alvor og ande. Før i tida skulle ein gjere bot og faste i denne tida. Sjela og kroppen skulle forberedas til å ta i mot julebodskapen. Å gjere bot var å betale for syndene, det som blei sett på som gale, som menneska gjorde.
Stjerne og lysestakar
Det er også vanleg å henge opp julestjerne i vindauget og tenne ein elektrisk lysestake. Gjerne ein med sju lys.
Julestjerna i vindauget er eit symbol på betlehemstjerna som viste dei tre vise menn vegen der Jesus vart fødd.
Omvendt julekalender
Sjølv om adventstida og jula i utgangspunktet er ein kristen tradisjon, er det mange som ikkje legg noko vekt på dette. Mange gjer adventstida og julefeiringa til ei tradisjonsrik høgtid utan å legge vekt på det kristne bodskapet.
For mange er nissar og kos like vanleg som å markere at Jesus blei fødd i ein stall.
Ein viktig bodskap som mange har i advent er å bry seg om kvarandre. Mange viser dette med å ha omvendt julekalender. Mange skuleklassar samlar inn pengar til dei som treng det, i staden for å få noko sjølv.
Jul i Svingen
NRK har sendt julekalender i lang tid. Den aller fryste kom i 1970, «Barnas førjulskalender». Så var det ei lang pause før «Jul i Skomakergata» kom i 1979.
I år er det reprise på «Jul i Svingen», der vi følgjer Linus, Nure, Akaya, Åsa og alle dei andre menneska som bur i Svingen. «Jul i Svingen» blei sendt fyrste gong i 2006.
Ina Svenningdal, som spelar Åsa, har vorte verdskjend etter at ho spelte jente-Chris i ungdomsserien SKAM.
