I snitt får innbyggjarane i Dei sameinte arabiske emirata berre 10 cm nedbør per år. For å få tak i meir ferskvatn, startar dei no opp eit eksperiment der ein liten drone vil fly inn i skyene og «zappa» skyene med ein elektrisk ladning, skriv BBC.
Håpet er at ved å lada vassdropane i skyene, vil dei meir truleg falla som store regndropar. Ideen kom frå eit team av forskarar i Storbritannia i 2017, og testar har hittil vore gjennomført i Storbritannia og Finland.
– Det har vore mykje spekulasjonar om kva ladning kan gjera for skydråper, men det har vore veldig lite praktisk og detaljert etterforsking, seier Keri Nicoll som forskar på vêrkontroll.
Storleiken er viktig
Teamet fann at når vassdropar i skyer har ein positiv eller negativ elektrisk ladning, er det mindre sannsynleg at mindre dropar smeltar saman og blir store regndropar.
Storleiken på regndropane er viktig fordi varme stader som Dei sameinte arabiske emirata har høge skyer og veldig høge temperaturar. Det betyr at små regndropar normalt fordampar i lufta før dei når bakken.
– Me vil prøva å gjera dropane inne i skyene store nok til at når dei fell ut av skya, overlever dei ned til overflata, seier Nicoll.
