Ai levde i fangenskap og døydde av alderdom og organsvikt, opplyser universitetet i Kyoto. Sjimpansen kom til Japan frå Vest-Afrika i 1977, skriv NRK.
Ai var svært viktig for forsking på intelligens hos primatar. Primatar er ei dyregruppe som mellom anna inkluderer aper og menneske.
Lærte alfabetet
Gjennom livet lærte Ai seg det engelske alfabetet og over 100 teikn i det kinesisk-japanske skriftspråket. Ho kunne også kjenna igjen fargar og bruka tal.
Ai likte også å måla og teikna. I fangenskap fekk ho sonen Ayumu. Han har også fått merksemd frå forskarar, fordi han har svært godt minne.
