Ekvatorial-Guinea
Innbyggartal: 1,9 millionar
Offisielle språk: Spansk og fransk
Storleik: 28 050 km²
Nasjonaldag: 12. oktober
Valuta: cfa-franc
Nasjonaldyr: sjiraff
Trass i namnet, ligg ikkje landet på ekvator.
Kjelde: Vesle norske leksikon
Laurdag melde myndigheitene i det afrikanske landet Ekvatorial-Guinea at dei bytte hovudstad. Det melder avisa Le Monde.
Må byte av omsyn til sikkerheita
Den tidlegare hovudstaden Malabo ligg på ei øy. Presidenten i landet, Teodoro Obiang Nguema Mbasogo, hevdar regjeringa har blitt utsett for angrep frå sjøen. Han meiner derfor at landet må byte hovudstad av omsyn til tryggleiken.
Verdas lengstsittande diktator
President Mbasogo har styrt Ekvatorial-Guinea sidan 1979. Då tok han makta ved eit kupp, som vil seie at han tok makta ulovleg.
Det er ikkje frie val i Ekvatorial-Guinea, og landet blir rekna som eit diktatur med mykje korrupsjon. Mbasogo er den diktatoren i verda som har styrt lengst.
Den nye hovudstaden ligg på fastlandet. Namnet på byen er Ciudad de la Paz. Det betyr «fredens by».
