Eit gammalt teikneseriehefte av Superman nr. 1 frå 1939 er selt for 9,12 millionar dollar, altså over 100 millionar kroner. Det er ny verdsrekord for ein teikneserie, skriv News For Kids.
Heftet vart funne av tre brør då dei rydda i huset til mora i California. Det låg i ei pappeske saman med gamle aviser – men var likevel nesten heilt perfekt bevart.
– For ein historisk dag. Eg er utruleg glad på vegner av seljaren. Superman nr. 1 er ein milepæl i populærkulturens historie, og dette eksemplaret er ikkje berre i ein eineståande tilstand – det har også ei historie verdig ein film. Eg er glad for at prisen speglar det, og æra over at Heritage fekk tilliten til å selja denne ikoniske boka, seier Lon Allen frå auksjonshuset Heritage Auctions i ei pressemelding.
Superman fekk sitt eige blad i 1939, etter først å ha dukka opp i Action Comics. Det finst svært få slike hefte igjen i så god stand – derfor vart prisen så høg.
