Ei undersøking frå Unicef viser kva kommunar i Noreg som er best på barn. Her er det barnehage, skule, barnevern, helse og kultur som blir rangert.
Kommunen som kom ut heilt på topp, er Rødøy kommune. Rødøy ligg i Nordland fylke og har i overkant av 1100 innbyggjarar.
Gjennomsnittleg skårar kommunane 59,3 poeng. Rødøy har 76,3, og er dermed på toppen av lista.
I eit intervju med NRK, fortalde 10.-klassingen Ole Dahle Tellnes at det ikkje har vore så mykje trøbbel i kommunen.
– Det er ikkje så mykje folk, og alle kjenner alle. Det har vore ganske bra å vakse opp her, seier han i intervjuet.
