KI skal ikkje lenger snakke om vanskelege tema

Meta – som eig Facebook og Instagram – har ein eigen robot med kunstig intelligens (KI). Han får no ikkje lov til å samtale rundt sjølvmordstankar.

Meta sin KI skal i staden vise til hjelperessursar når unge brukarar tek opp tema som til dømes sjølvmord, sjølvskading og eteforstyrringar.

Endringane i retningslinjene kjem etter at nyhendebyrået Reuters avslørte Meta-dokument som tillét at born hadde upassande samtalar med praterobotar.

No skal Meta altså stramme inn på slike samtalar.