Artemis II skal snart ut på reise for å halde fram med utforsking av månen. Målet til oppdraget er å bidra til ny forsking og teknologisk utvikling. Oppdraget skal hjelpe oss til å forstå korleis vi kan leve og jobbe på ei anna verd, som førebuing til menneskeleg utforsking av Mars.
25 finalistar
Maskotar blir ofte brukt av astronautar, og er gjerne ein mjuk gjenstand, som ein bamse. NASA annonserte at dei ville ha forslag frå verda om korleis maskoten skal sjå ut. Det er første gong at verda får vere med på designet.
Astronautane fekk mykje å velje i – heile 2600 forslag frå over 50 land. No står det att 25 finalistar. Forslaga kan du sjå her.
Maskoten skal sitje i romraketten «Orion», og vil vise astronautane at dei har oppnådd null tyngdekraft når den byrjar å sveve rundt.
Astronaut og kommandør for oppdraget, Reid Wiseman, seier at maskoten vil vere spesiell for besetninga om bord.
– Besetninga er oppglødd over desse forslaga frå heile verda og vi gler oss til å ta med vinnarmaskoten på reisa, seier han.
