Joseph S. S. Ampofo
Alder: 38 år
Frå: Oslo
Yrke: Produktutviklar på dagtid, forfattar på kveldstid
Kor mykje les du? Omtrent fire bøker i året
Kva bøker les du helst? Fantasy, fantasy … ja, sa eg fantasy?
Kvar les du? På t-bana og i senga
Joseph var veldig glad i bøker som barn. Han blei rett nok ikkje lesen høgt for, men las sjølv.
– Eg var glad i å lese fordi eg kunne forsvinne inn i mange fantastiske og spennande verder, seier Joseph i ein e-post.
For at Joseph skulle ha lyst til å lese ei bok som barn, var det nokre eigenskapar ho måtte ha.
– Eit bra cover, ein hyggeleg eller inspirerande hovudperson – og fantasy-element.
Fantasy og følelsar
Fantasy-bøker har nemleg alltid vore ein sikker vinnar hos Joseph. Som barn var han mellom anna glad i Conan the Barbarian av Robert De La Torre – fantasibøker om den største krigaren gjennom tidene.
– Det var favoritten på grunn av hovudpersonen sitt pågangsmot.
Men det er ikkje berre fantasi som måtte til for at Joseph skulle tykkje ei bok er god. Ifølgje han er ei god bok, ei bok som ikkje berre får deg til å føle, men også til å tenkje.
Finn leselyst med konkurranse
Joseph har eit kreativt råd til barn og unge som ønskjer å få meir leselyst.
– Les saman med foreldra dine. Kjøp (eller lån) to eksemplar av same bok og les likt med ein tidsfrist, tipsar han.
Joseph oppmodar til at de etterpå lagar 15 spørsmål kvar, om boka, som de stiller kvarandre. Den som får færrast rett og tapar må bli med å sjå ein film som vinnaren vel.
– Eller bli med å finne på noko anna gøy saman.
