Isen er som ei tidsmaskin – han kan fortelja oss om klimaet på jorda før i tida, og kanskje hjelpa oss å forstå kva som skjer med klimaet framover.
– Dette er ein milepæl for klimavitskapen, seier seniorforskar ved Norsk Polarinstitutt, Elisabeth Isaksson til NRK.
Mykje informasjon
Når forskarane studerer isen, kan dei finna ut kor varmt det var før, kor mykje det regna, og om det har vore vulkanutbrot eller skogbrannar. Med ein lang is-sylinder frå toppen til botnen av isen, får dei ein slags klimakalender over millionar av år.
Prosjektet er støtta av EU og fleire land, inkludert Noreg. Norsk Polarinstitutt og Universitetet i Bergen er med.
