Ei internasjonal gruppe forskarar kan ha oppdaga over 100 nye artar, skriv VG. Artane lever i undervassfjell utanfor kysten av Chile. Eit undervassfjell er eit fjell på havbotnen som er minst 1000 meter høgt utan å komme over havoverflata.
Schmidt Ocean Institute sende ein robot for å kartlegge havbotnen og undersøke ti undervassfjell. Målet med kartlegginga var å finne ut korleis Chile betre kan ta vare på desse områda.
![](https://framtidajunior.no/wp-content/uploads/2024/02/FKt240108-S0648-20240206T172710Z-CoralSpiral-e1708941365396.jpg)
Roboten kan gå så djupt som 4500 meter. Ved hjelp av roboten fann forskarane ut at kvart undervassfjell hadde eit unikt økosystem. I tillegg oppdaga dei over 100 artar dei meiner er heilt nye.
![](https://framtidajunior.no/wp-content/uploads/2024/02/FKt240108-S0651-20240209T151632Z-0-scicam-Zoom_Squat-e1708940579302.jpg)
Forskarane undersøker no artane nærmare for å få bekrefta eller avkrefta om dei er nye artar. Forskarane vil også undersøke havbotnen meir i løpet av året.
![](https://framtidajunior.no/wp-content/uploads/2024/02/FKt240108-S0634-20240116T125346Z-0-scicam-MastigoteuthisInk-e1708941113734.jpg)