Lemurar:
![](https://framtidajunior.no/wp-content/uploads/2023/01/lemur2-scaled.jpg)
Viss du har sett nokre av dei animerte Madagaskar-filmane, kjenner du nok att desse spesielle dyra. Lemuren er ein primat, og er i slekt med apekattane, men dei har utvikla seg isolert på Madagaskar.
Det finst åtte ulike typar lemurar. Tre av dei er: sifaka, indri og aye-aye. Ein annan er den ikoniske ringhalelemuren.
Satanisk løvhalegecko
![](https://framtidajunior.no/wp-content/uploads/2023/01/Satanic-leaf-tailed-gecko-foto-Charles-James-Sharp.jpeg)
Det er også mange ulike typar geckoar på Madagaskar. Den sataniske løv-hala geckoen har ein spesiell utsjånad for å kamuflere seg i den tropiske skogen på Madagaskar. Han vert kalla «satanisk» fordi han har små horn og raude auge.
Giraffbille
![](https://framtidajunior.no/wp-content/uploads/2023/01/Giraffe-weevil-foto-Frank-Vassen.jpeg)
Giraffbilla er ei snutebille. Ho har fått namnet på grunn av den lange nakken.
Panterkameleon
![](https://framtidajunior.no/wp-content/uploads/2023/01/Panther-Chameleon-foto-Paul-Williams.jpg)
Ordet «kameleon» kjem frå gammalgresk og tyder «bakkeløve», medan denne arten fekk namnet «panter» fordi den har prikkar som ein lepoard.
Fossa
![](https://framtidajunior.no/wp-content/uploads/2023/01/Fossa-foto-Christian-Wittmann-1-1.jpg)
Fossaen er det største rovdyret på Madagaskar. Dei tilhøyrer snikekattfamilien.
Gullmantella
![](https://framtidajunior.no/wp-content/uploads/2023/01/Golden-Mantelle-foto-Frank-Vassen.jpg)
Gullmantellaen er ein liten frosk. Den sterke fargen skal åtvare andre dyr om at han er giftig.
Blå koua
![](https://framtidajunior.no/wp-content/uploads/2023/01/Blue-Coua-foto-Olaf-Oliviero-Riemer.jpeg)
Dette er ein fugl i gaukefamilien som er heilt dekt i blåe fjær.
Solfuglasiti
![](https://framtidajunior.no/wp-content/uploads/2023/01/Yellow-bellied-Sunbird-asity-foto-manda.jpg)
Fuglen et nektar frå blomar, og kan bli aggressiv når ein rival vil ete frå same blom.
Plantar:
Madagaskarstjerne
![](https://framtidajunior.no/wp-content/uploads/2023/01/Darwins-Orchid-foto-Motohiro-Sunouchi.jpg)
Også kjend som «Darwins orkidé», oppkalla etter naturforskaren Charles Darwin. Blomen veks på trestammar med få blad, slik at den får mykje sol og luft.
Flammetreet
![](https://framtidajunior.no/wp-content/uploads/2023/01/Delonix-regia-flammetreet-Foto-Scott-Zona.jpg)
Dette spektakulære treet veks berre naturleg på Madagaskar, kor det er utryddingstruga. Men treet har vorte importert til andre varme regionar, mellom anna til Florida og Texas i USA og sørkysten av Spania.
Adansonia grandidieri
![](https://framtidajunior.no/wp-content/uploads/2023/01/Grandidiers-Baobab-foto-Bernard-Gagnon.jpeg)
Dette er ein type baobab-tre, også kalla apebrødtre. Trea kan bli opp til tretti meter høge, og stammen kan bli over sju meter i diameter. Det lokale namnet på dette treet er reniala, som tyder «skogens mor». Treet er truga på grunn av jordbruk.