Hudhayfah Nuredin Letta er ein 13 år gammal gut som går siste året på barneskulen. Han er fødd og oppvaksen i Sandviken. Han bur saman med foreldra, søstera og tre brør. Han likar å spela basketball, snakkar amharisk og engelsk, og ventar no spent på starten av ramadan.
– Kva likar du best med ramadan?
– Eg synest det er fint å ha ein heil månad der ein kan utfordra seg sjølv. Me får òg kjenna på kor mange som dessverre opplever svolt i andre delar av verda.
– Er dette motivasjonen din til å fasta?
– Ja. Og for å takka Gud for alt eg har.
– Er dette den første ramadan du fastar, eller har du gjort det før?
– Eg tenkjer å ikkje fasta heile ramadan berre ein del av han, og eg skal prøva mitt beste.
– Kor gammal var du då du prøvde å fasta for første gong?
– Eg var 11 år gammal.
– Kva er vanskelegast under faste for deg?
– Det må vera sjølve fasta i seg sjølv.
Mat medan sola er nede
I islam byrjar fasta ved daggry, og du kan ete før morgonbøn. Dette måltidet blir kalla suhoor. Fasta sluttar ved solnedgang og dette måltidet blir kalla iftar.
– Kva er din favorittmat å eta under ramadan?
– Det ein del rettar på begge suhoor og iftar, men min favoritt er sambosa.
– Korleis bryt du fasta?
– Eg bryt fasta mi med dadlar, mjølk og vatn.
– Kor ofte går du til moskeen i ramadan?
– Eg har skule i ramadan, men eg prøver å gå innom moské minst ein gong kvar dag.
– Kva er planane dine for Eid? Korleis ser denne dagen ut?
– På Eid så tenkjer eg at me skal bruka dagen saman med familien, og be eid-bøn saman, og ikkje minst eta god mat saman.
LES OGSÅ: Ramadan er i gang – no er det fastetid i fleire religionar
