Ein del bruker porno for å læra om sex, medan andre kjem over porno ufrivillig.
– Eg var ni år då eg byrja å sjå. Det er ikkje så lett å stoppa når ein først byrjar, det er jo spennande. Du blir veldig sex-fiksert når du ser det så tidleg. Det er dramatiske bilete som klistrar seg, fortel ein ungdom i rapporten til Redd Barna.
I rapporten skriv Redd Barna at sjølv om ungdom fortel at det å sjå porno kan vera positivt og gøy, trekker dei fram ei rekke problem. Til dømes at mange barn kjem over pornografi ufrivillig, og at det er enkelt å finna aggressivt, valdeleg og kvinnefiendtlig innhald.
Vil at vaksne skal snakka med dei
I svara til ungdommane redd Barna har snakka med, kjem det også fram at det kan vera ein samanheng mellom å sjå mykje porno og å utsetja jamaldra for seksuelle krenkingar.
Eitt tydeleg funn i rapporten er at ungdom sjølv etterlyser tiltak for å avgrensa tilgangen til porno blant dei yngste, og at dei ønsker betre informasjon og rettleiing for å handtera det dei ser. mange ønskjer seg at vaksne skal snakka med dei om porno på ein open og ikkje-dømmande måte.
(Kjelde: Medietilsynet)
