Tromma vart konfiskert etter trolldomsprosessane i 1692, og sendt til København – men kjem no tilbake til samane etter mykje diskusjon, skriv VG.
Denne spesielle tromma vart tatt frå den samiske sjamanen Anders Poulsson i 1692. Han vart arrestert fordi han brukte tromma. I avhøyr fortalte Poulsson at han brukte tromma til å skaffa lykke for reindrift og lindra smerte. Tromma vart deretter konfiskert og sendt til kunstkammeret til den danske kongen i København.
Under trolldomsprosessane vart kvinner og menn ført for retten skulda for trolldom. I landet vårt ramma denne forfølginga Finnmark særleg hardt. I perioden 1600–1692 vart 135 menneske skulda for trolldom og ført for retten i Finnmark.
