Saka vart først publisert på Framtida.
Kvart år byrjar mellom 7 000 og 8 000 førsteklassingar med nynorsk som opplæringsspråk i norsk skule.
– Det er viktig for oss at barna skal ha like høve til å bli trygge på språket sitt og digitale ferdigheiter som andre elevar i norsk skule, seier ordførar i Stad Alfred Bjørlo.
Nynorsk i programvare og appar
Saman krev ordførarane at Google har eigne språkversjonar for nynorsk av programvare og appar på:
- G Suite for utdanning, inkludert program for tekstbehandling, rekneark, presentasjonar, kalender, videomøte og e-post
- Google Chromebook
- Google Classroom
- Nynorsk rettskrivingsprogram
Google: – Kan ikkje auke støtta for nynorsk
Andrea Lewis Åkerman, fungerande kommunikasjonssjef i Google Norge, skriv dette i ein epost til Framtida i etterkant av kravet.
– Når det gjeld verktøya me tilbyr som ein del av G Suite for utdanning, kan me for augneblinken ikkje auka støtta for nynorsk.
