– Målet vårt er at ingen lemurar skal leva åleine. Det er heilt unaturleg og ikkje bra for dei, seier leiaren av Duke Lemur Center i ei sak hjå New York Times.
Lemurar er svært sosiale dyr. Derfor vil dei mykje heller vera saman med andre, enn å leva livet sitt åleine.
På Duke Lemur Center har dei for få dyr av nokre lemurartar til å kunne para ein einsam lemur med ein annan av same art. Derfor har dei tilsette funne ei anna løysning.
I staden for å frakta den einsame lemuren til ein ny dyrehage eller institusjon, parar dei den saman med ein lemur frå ein annan art.
Svært sosiale dyr
Duke Lemur Center skriv at lemurane vert nøye overvåka når dei forsøker å para dei saman. Teikn på at dei fungerer saman, er at dei helsar med nasen, pleier kvarandre, sit og et saman.
Nokre gonger går det bra, medan dei andre gonger må skiljast frå kvarandre.
Sjå video frå Duke Lemur Center her:
