Ved Natural History Museum i London har dei årleg éin konkurranse for vaksne, og éin for barn, der dei kårar dei beste fotografia av ville dyr i naturen. No er vinnaren mellom dei 49.000 innsende vaksenbidraga klar.
Det er eit fotografi av ein sibirtiger, ein særs trua dyreart, som det berre finst om lag 500 stykk igjen av i det austlege Russland. Det er fotograf Sergej Gorsjkov som har teke blinkskotet, der det ser ut som om tigeren omfamnar eit tre.
Vinnarane av konkurransen for barn
Museet har også ein eigen konkurranse for dei under 18 år. Det er tre ulike kategoriar delt inn etter alder, og desse blei årets vinnarar:
Klassen for dei under ti år:
Klassen for 11 – 14 år:
Klassen for 15 – 17 år:
Likar du å fotografere? Bli med på konkurransen!
Har du tatt eit fint bilete av eit vilt dyr, eller har du lyst til å prøve å ta eit? Då kan du bli med i konkurransen om å bli årets unge naturfotograf i 2021! Du kan også ta bilete av omgjevnadane til dyra eller av ville planter. Eller du kan fotografere menneska sin påverknad på naturen.
Men du bør vere rask, for konkurransen opnar opp for nye bidrag i morgon, 19. oktober, og stenger igjen 10. desember.
Det er gratis og ope for alle som er 17 år eller yngre å delta. Kvar deltakar kan sende inn ti fotografi. Dersom du vinn din kategori får du ein tur til London og prisutdelingsseremonien. Og dersom du blir kåra til årets unge naturfotograf vinn du i tillegg 1000 pund (om lag 12 000 kroner) og ein flott pokal.
Les meir om konkurransen og send inn dine bidrag her.
(OBS: Sida er på engelsk, så få gjerne ein vaksen til å hjelpe deg)
