34 prosent av dei spurde i undersøkinga svara at dei overnatta ute i sommar. Det svarer til nær 1,5 millionar menneske, ifølgje organisasjonen Norsk Friluftsliv.
Friluftsliv i vinden
– Natur og friluftsliv er i vinden som aldri før. Dette er ikkje den første undersøkinga som tyder på at vi nordmenn rett og slett har fått skikkeleg frilufts-dilla, seier generalsekretær Lasse Heimdal i Norsk Friluftsliv i ei pressemelding.
Undersøkinga frå Ipsos består av 1008 intervju med personar frå 15 år og oppover. Så barn som har overnatta ute, er ikkje medrekna.
Det var NPK-NTB som fyrst omtala saka.
