Tema for skrivekonkurransen er miljø. Miljø er det du finn rett utfor døra di, i strandkanten og på snaufjellet. Miljøet er knytt tett til klima. Ei kjelde til miljøfakta i Noreg finn du på Miljøstatus.
Visste du til dømes at heile 90 prosent av Noregs befolkning går på tur i naturen?
Og kva har det å seia at me i Noreg har 2355 trua dyreartar? Har det noko å seie for oss menneske? Kva bør me gjera for å hindra utryddinga av artar?
Vel éi av desse oppgåvene:
1. Skriv om eit miljøproblem som du meiner er viktig å snakka meir om. Bruk gjerne Miljøstatus eller andre kjelder for å finne fakta. Skriv ein tekst om kvifor dette er viktig og kom gjerne med forslag til løysingar på problemet.
2. Skriv om kvifor du er glad i naturen. Kvifor trur du det er så mange som er så glade i naturen? Skriv om kva det gjer med deg og andre menneske å vera ute i frisk luft og rein natur.
3. Skriv ei historie, eit dikt, teikneserie eller samansett tekst med tema miljø. Det kan handle om korleis miljøet er i dag eller korleis verda ser ut i framtida om ikkje noko blir gjort med miljøproblema våre.
Format: Word-fil
Lengde: Maks 450 ord, men gjerne kortare!
Premie: 1. plass: 1000 kroner. Alle som er med i skrivekonkurransen kan bli trekt ut som vinnarar av bokpremiar.
Aldersgrense: under 14 år
Innleveringsfrist: 12. juni
Målform: Nynorsk
Send inn til framtidajunior(a)gmail.com
OBS: Hugs å merka teksten med <NAMN>, <ALDER>, <SKULE> og <TELEFONNUMMER>.
