Forsking viser at fysisk aktivitet er viktig for helsa. I 2018 kom Verdas helseorganisasjon med anbefalingar om at unge bør vera i fysisk aktivitet i minst ein time om dagen, skriv Forskning.no.
Mindre enn ein time
Regina Guthold og kollegaene hennar i Verdas helseorganisasjon har samla informasjon om 1,6 millionar unge mellom 11 og 17 år, frå heile 146 av verdas land.
Informasjonen kjem frå 298 undersøkingar av skuleungdom i dei ulike landa.
Tala viser at berre ein av fem ungdom i verda er i nok aktivitet. Heile 81 prosent er i fysisk aktivitet mindre enn ein time om dagen.
