15. mars streika 123 land for klimaet

– Siste oppdatering (fredag) seier: 2052 plassar i 123 land på alle kontinent, inkludert Antarktis. Så spørsmålet er: Kva vil du gjera 15. mars? skriv Greta Thunberg (16) på Twitter i morgontimane i dag.

 Før jul skapte den svenske skuleeleven overskrifter verda over med sin skulestreik for klimaet. Den unge aktivisten vekte åtgaum verda over då ho talte til verdas toppleiarar under klimatoppmøtet i Polen.

Ho er kåra til årets kvinne av Aftonbladet og Expressen i Sverige og er utropt til ein av dei mest innflytingsrike tenåringane av Time magazine. Og nyleg kom nyheita om at svenske Venstre-politikarar og norske SV-politikarar har nominert Greta Thunberg til fredsprisen.