Bjørn Sortland
Har skrive mange bøker for barn, unge og vaksne, og mellom anna gitt ut Kepler-bøkene og serien om Kunstdetektivene.
- Kva er ditt fyrste leseminne?
– «Fem på vandring» av Enid Blyton. Det var den første boka eg las sjølv.
- Kor viktig er det å lese når ein er barn?
– Du får oppleva ei ny, stor og rik verd. Du får reisa sjølv om du sit i ro. Du kan bli så utruleg glad eller trist når du les. Eller begge deler på ein gong.
- Tre bøker du likte å lese då du var barn.
– Fem-serien av Enid Blyton, Barna i Bakkebygdgrenda av Astrid Lindgren og Den siste mohikaner av James Fenimore Cooper.
Maria Parr
Har skrive dei prisvinnande bøkene Vaffelhjarte, Tonje Glimmerdal og Keeperen og havet.
- Kva er ditt fyrste leseminne?
– Eg trur det må vere at mamma las ei bok som heiter Eplegrisar til meg og syskena mine – igjen og igjen, for vi digga henne. Det handlar om eit gamalt epletre som etter litt stell ber så mykje epler at det tek heilt av.
- Kor viktig er det å lese når ein er barn?
– Å lese er ikkje det viktigaste ein gjer. Det viktigaste er å leike og leve og klatre og vere saman med andre. Men å lese, eller å bli lest for, det gir så mange nye tankar og følelsar. Ofte kan det å gå inn i ei historie gjere at vi kjenner oss mindre aleine og at vi forstår meir.
- Tre bøker du likte å lese då du var barn.
– Eplegriser av Ruth Orbach, Ronja Røvardotter av Astrid Lindgren, Bibelen som teikneserie og Hardy-guttene av Franklin W. Dixon.
