Fakta om Indonesia
- Innbyggarar: 284 millionar
- Hovudstad: Jakarta
- Storleik: 1 905 000 km²
Det er ein solrik søndagsettermiddag ved havet utanfor landsbyen Yeh Gangga på den indonesiske øya Bali. Kring 20 barn traskar rundt på stranda. Trass i at det er over 30 grader varmt, så badar ingen av dei. Dei er kledde i gule t-skjorter og har bossekker i hendene.
– Me kjem hit kvar søndag for å rydda opp plast, seier 12 -åriga Intan.
Overalt ligg krus, flasker, sugerøyr og anna bos av plast som barna plukkar opp med lange plukkepinnar. Barna er frivillige i Trash Hero. Det er éin av fleire organisasjonar som ryddar opp plastsøppel på Bali.
– Det blir funne veldig mykje plastsøppel på Bali. Det meste boset på strendene kjem med straumane i havet eller frå elvar, seier Intan.
Det er over 150 millionar tonn plast i verdas hav. Kvart år aukar mengda med 5 til 13 millionar tonn. I Indonesia er det eit spesielt stort problem fordi landet har av 18000 øyar i Det indiske havet og Stillehavet.
Mikroplast
Det kan ta fleire hundre år for plast til å bli brote ned i havet. Då blir plasten brote ned til små partiklar som blir kalla mikroplast.
– Fiskane i havet sluker mikroplasten. Sidan får me menneske i oss dei når me et fisk, seier Intan.
Menneske får òg i seg mikroplast gjennom drikkevatn. I små mengder er det ikkje farleg, men med meir plast, så vil innhaldet av mikroplast i vatnet bli høgare. I Indonesia er det kvart år 3,2 millionar nytt plastsøppel som ikkje blir tatt hand om. Nærmare halvparten av dette hamnar i havet. Sidan 2017 har regjeringa i Indonesia prøvd å redusera plasten i havet, mellom anna med eit betre avfalls- og gjenvinningssystem.
Indonesia er eit verdas verste land når det gjeld plast i hava. Sjølv om posar og sugerøyr av plast blir forbode i 2019, så er det mange butikkar og restaurantar bryt mot lova.
– På restaurantar får eg alltid plastsugerøyr til å drikka med. Eg seier ifrå om at plastsugerøyr er unødvendige og ikkje bra for miljøet, seier Intan.
Engasjert
Tidlegare nytta 12-åringen ofte eingongsplast.
– Men for fem år sidan kom Trash Hero til skulen min og fortalde kvifor det er unødvendig og skadeleg med plast, seier ho.
No kastar ho alltid plastsøppel i spesielle søppelkassar for gjenvinning.
Denne dagen plukkar dei 27 kilo plast på ein time som sidan bli tatt til gjenvinning. Det er lite samanlikna med dei 12,9 millionar tonn plast i havet rundt Indonesia.
– Men eg meiner ikkje at arbeidet mitt er meiningslaust. Eg er stolt over det. Eg kan ikkje hindra at det flyt hit plast frå andre øyar, men eg kan rydda strendene. Og så kan eg fortelja vennane mine og andre kvifor dei ikkje skal nytta eingongsplast, seier Intan.
Les også: Ny forsking: Mindre plastsøppel langs australske strender
