TV-programmet «Team Pølsa» er i gang med sesong to. Samtidig har NRK starta jakta på ungdommar til sesong tre.
Den første episoden av årets sesong har så langt blitt sett av 952.000 sjåarar.
Programleiar Øystein Pettersen skal igjen vera lagleiar for det nye laget.
– Det kunne eg ikkje drøymt om då me gjekk i gang med dette for snart tre år sidan, seier Pettersen i ei pressemelding frå NRK.
Opptaka til sesong tre startar kort tid etter at deltakarane i årets sesong har passert målstreken under rennet i Holmenkollen.
