I 2024 lanserte Hennig-Olsen Is Haaland-isen. Den fotballrunde isen var utvikla saman med Erling Braut Haaland.
Men no er det slutt på salet, og isen forsvinn frå iskremdisken. Det melder Dagbladet.
– Haaland blei lansert i samband med 100-årsjubileet vårt i 2024 og var alltid tenkt for ein avgrensa periode, og vi er godt nøgde med salet, seier administrerande direktør Paal Hennig-Olsen.
Frå 11. juni til 19. juli er det fotball-VM, men det kjem førebels ingen ny fotballis.
– Det kjem ingen VM-is no, men vi skal nok markere VM litt nærmare sommaren, seier Paal Hennig-Olsen.
