Både Bergen bibliotek og Deichman biblioteka i Oslo melder om utlånsrekord for fjoråret.
– I 2025 nådde vi nesten 800 000 utlån, det totale utlånstalet blei litt over 791 000, fortel Julie Andersland, som er direktør ved Bergen bibliotek.
Også i hovudstaden melder dei om rekord. Der hadde biblioteka heile 2,2 millionar utlån i fjor.
Biblioteksjef Merete Lie på Deichman Bjørvika seier det er ei gruppe lånarar som er ivrigast.
– Meir enn halvparten av lånet vårt går til barn og unge, og det betyr at barn les veldig mykje. Barneutlånet er stort, seier Lie til TV2.
