Klikk her for å sjå svaret på luke 12
Songen som vart spela på ukulele i luke 12 var … Sankta Lucia!
13. desember er Luciadagen, og lussekattar høyrer med til alle små og store barns Lucia-feiring. Inviter til fest og nyt smaken av herlege lussekattar.
Ingrediensar:
-
ca. 15 dl kveitemjøl
-
2 dl sukker
-
ca. 1 ts salt
-
5 dl mjølk
-
2 stk. egg
-
50 g gjær
-
0,25 g safran
-
200 g smør
-
2 ss rosiner til pynt
-
1 stk. egg til pensling
Slik gjer du:
-
Ha mjøl, sukker og salt i ein bakebolle, og rør det raskt saman. Hald gjerne tilbake 1 dl mjøl, som du kan tilsetja seinare om deigen blir for klissete.
-
Visp saman mjølk og egg. Bruk romtempererte råvarer, eller varm forsiktig opp blandinga til 25–30 °C. Smuldra gjæren i mjølkeblandinga, og rør til ho er heilt oppløyst. Brukar du tørrgjær, kan ho tilsetjast i bollen med det tørre.
-
Tilset safran i mjølkeblandinga, og rør godt slik at mjølka får ein fin, gul farge. Avkjøl.
-
Ha mjølkeblandinga i bollen med det tørre, og elt i 5–10 minutt på låg fart til deigen samlar seg og slepp bollen litt. Er deigen veldig klissete, kan du tilsetja resten av mjølet.
-
Ha romtemperert smør i terningar, og elt til deigen er smidig og har ei blank og fin overflate, ca. 10 minutt. Ta gjerne glutentesten mot slutten av eltinga: Strekk i deigen – kjennest han kort, bør han eltast litt til. Er han elastisk og smidig, er han klar for heving.
-
Dekk bakebollen med plastfolie, og la han heva på ein lun stad til dobbel storleik, 1–1,5 time.
-
Ha deigen på bordet. Trill tynne pølser og form dei til lussekattar – sjå biletet for inspirasjon. Bruk litt mjøl på kjøkkenbenken til utbakinga dersom det trengst.
-
Pynt med rosiner. Legg baksten på eit bakepapirkledd steikebrett. Etterhev under eit klede i 15–20 minutt, og pensla med egg.
-
Steik lussekattane midt i omnen på 225 °C i 8–10 minutt, til dei er gylne. Avkjøl på rist.
God Lucia-feiring!
