LUKE 8: Mål snøkrystallar på vindauget

I dagens kalenderluke kan du skape snømagi inne.

Klikk her for å sjå svar på luke 9

Filmen var Hjemme Alene! Skjønte du det? Gi deg sjølv ein velfortent klapp på skuldra! Fekk du òg med deg at det var film nummer 2: Forlatt i New York? Imponerande!

Vi ønsker oss ofte snø til jul. Men om kalenderen viser desember og det regnar ute, kan du skape julestemning ved å måle snø på vindauget.

Snø inne, grønt ute. Foto: Synne Ulltang

Du treng

  • litt kefir i ein kopp
  • ein pensel
  • eit reint vindauge

Slik gjer du

Ta litt kefir i ein kopp. Dypp penselen oppi og tørk av slik at det ikkje er for mykje mjølk på. Mål mønstera du ønsker på vindauget og la tørke.

Du treng ikkje mykje mjølk på penselen. Foto: Synne Ulltang

Når desember er over, vaskar du enkelt over vindauget med vatn og litt oppvaskmiddel.

Med mjølkesnø på vindauget blir det meir julestemning. Foto: Synne Ulltang

Influensaren Anne S. Olsen skriv på Instagram at ho dekorerer vindauge med mjølkemåleri kvar jul.