Landa seier i ei felles uttale at det er ulovleg å bruka svolt som våpen i krig. Slike reglar blir kalla folkeretten, og skal verna folk i krig. Til dømes er det forbode å angripa sjukehus eller å bruka svolt som våpen.
Folkeretten blir laga gjennom avtalar mellom land, som Genèvekonvensjonane. Nesten alle land i verda har skrive under på desse.
Landa krev også at krigen i Gaza må stansa:
«Ei umiddelbar, vilkårslaus og permanent våpenkvile», står det i uttalen. Våpenkvile betyr at ein sluttar å skyta og kjempa.
Tryggingsrådet ber om at alle gissel som blir haldne fanga av Hamas, må sleppast fri. Dei vil også at Israel skal fjerne hindringar for å senda inn naudhjelp. Naudhjelp er mat, medisinar og andre ting folk treng for å overleva.
Israel er ueinig
Av dei 15 landa i FNs tryggingsråd, støtta 14 land uttalen. Storbritannia, Frankrike, Russland og Kina er blant dei.
FNs mattryggleikssystem, kalla IPC, har erklært hungersnød i Gaza by. Men Israels statsminister Benjamin Netanyahu meiner rapporten er feil:
– Rein løgn, seier han.
Kjelde: FN-sambandet
