Ein halv million nordmenn har vore på å rydda norske strender for søppel. 32.000 oppryddingar og 11.623 tonn søppel fjerna frå 50.900 km kystlinje i Noreg. Det viser heilt nye tal frå Senter mot marin forsøpling (Marfo), publisert i Framtida.no.
Alle oppryddingsaksjonane viser at det er høg forståing for problemet i Noreg, og det er sett i verk mottiltak. Klima- og miljøminister Espen Barth Eide applauderer desse handlingane og forsikrar at regjeringa jobbar for å stoppa plastforureining og sikra eit reint hav- og kystmiljø.
Norsk polarinstitutt publiserte i 2013 ein rapport, Save the sea, om at det kvart år blir dumpa 20 000 tonn i Nordsjøen åleine. Denne svimlande mengda avfall kjem mellom anna av at 99 prosent av tinga me kjøper hamnar i søpla innan seks månader.
Søppel på avvegar får alvorlege konsekvensar. Det kan skapa:
- Luftforureining (inkludert svært giftige stoff som me inhalerer og skader helsa vår).
- Jordforureining, som påverkar maten vår.
- Grunnvassforureining, som kan resultera i framtidig mangel på tilgang til drikkevatn.
- Havforureining.
Viss me held fram med å dumpa plast i hava, vil det innan 2050 vera meir plast enn fisk i havet.
