Det afrikanske landet Guinea, erklærer ein ny ebola-epidemi etter at tre personar har døydd og fire personar er blitt sjuke søraust i landet, skriv Framtida.
– Det er veldig bekymringsfullt å sjå gjenoppblomstringa av ebola i Guinea, eit land som allereie har lidd så mykje under sjukdommen.
Det seier Verdas helseorganisasjon (WHO) sin Afrika-direktør Matshidiso Moeti i ei uttaling, ifølgje Reuters.
Første utbrot på lang tid
Utbrotet er det første i Guinea sidan det alvorlege utbrotet som skjedde mellom 2013–2016.
Den gongen starta pandemien i Nzerekore, som er den nest største byen i Guinea. Derifrå spreidde viruset seg og tok livet av minst 11.300 menneske.
