Linnea Beidvik Haraldsen (11)
Har du spist insekt?
– Ja, då eg var lita putta eg ein stankelbein i munnen, men eg måtte spytte den ut att. Eg hugsar at systra mi åt ein snigel – og eg høyrde det knaste i munnen hennar. Så har eg henta ut maurtiss frå ei maurtue med ein pinne som eg slikka på.
Vil du ete insekt?
– Eg kan kanskje ete ein maur. Men ikkje larvar og sneglar. Men så er det jo betre for naturen om me et insekt i staden for kjøt.
Kvifor / kvifor ikkje?
– Det er ekkelt når dei kravlar og beveger seg.
Trur du me må ete meir insekt i framtida?
– Ja, fordi då sparar me miljøet meir.
Mia Kjempenes Kehr (11)
Har du spist insekt?
– Nei, det har eg aldri gjort.
Vil du ete insekt?
– Nei, det høyrest ikkje godt ut. Og ikkje ser det godt ut heller.
Kvifor / kvifor ikkje?
– Dei ser så ekle ut! I tillegg til at dei beveger seg på ein måte eg ikkje likar. Viss eg ser ein edderkopp mister eg matlysta, så det er vanskeleg å tenkjer på å ete insekt.
Trur du me må ete meir insekt i framtida?
– Ja, det blir nok slik at me må ete dei. Men då må dei vera kokte! Men eg har ikkje lyst. Det må bli maur i så fall.
Yusuf Isa Magomedovitsj Khadsjijev (11)
Har du ete insekt?
– Nei.
Vil du ete insekt?
– Nei, det har eg ikkje lyst til.
Kvifor / kvifor ikkje?
– Dei er ekle og mange av dei er slimete.
Trur du me må ete meir insekt i framtida?
– Nei, eg trur ikkje det. Me har anna mat vi kan ete.
