– Vi får det varmare og varmare seinare på året. Vi har aldri målt 30 grader så seint i august, så dette er då ein noregsrekord. Det kjem av at resten av kloden blir varma opp, seier statsmeteorolog Kristian Gislefoss til NRK.
Det seinaste det er målt 30 grader i Noreg før, var 26. august 1947.
Klimaendringar
– Det er effekten av klimaendringane vi ser?, spør NRK sin journalist.
– Ja, dei varmaste hetebølgjene blir varmare, medan dei aller kaldaste kuldeperiodane ikkje blir like kalde som før. Eg gjorde ein sjekk på varme- og kulderekordar i ulike land siste 20 åra. Det var fire–fem gonger fleire varmerekordar som var slått enn kulderekordar, svarar Kristian.
