Men, vil dei verkeleg arrestere statsministeren heilt på ekte? Neida. Klassen har nemleg laga ein heilt eigen leik dei har kalla Police. Det er ein slags politi og røvar-leik, for her er det å fange kvarandre som gjeld.
Saka vart fyrst omtala i Grannar.
Tage: Det starta med at Hogne vart litt koko i eit friminutt, han sprang rundt og fanga oss. Det var då me kom på at me skulle lage vår eigen leik.
Simen: Me har funne på fleire leikar, men dette er blitt ein leik heile klassen er med på.
Kvifor har de kalla leiken Police?
Tage: Namnet “Politi og røvar” var allereie tatt, så då blei det engelsk.
Filip: Så var det ei jente i klassen som kom på at det hadde vore gøy å fange Erna Solberg.
Simen: Me tenkte på Donald Trump også, men Erna er jo her i Noreg. Då er det litt enklare å få kontakt.
Klassen har laga reglane sjølv, og heile klassen har vore med på å snakke om korleis leiken skal vera.
Mathias: Me har funne på fleire reglar etter kvart, og no har det blitt ein skikkelig leik.
Simen: Difor skreiv me brev til Erna for å invitere ho til å leike Police med oss. Me vil at dette skal bli ein leik som alle ungar i Noreg kan leike. Så då tenkte me ho kunne hjelpe oss å fortelje om leiken til andre skular. Difor inviterte me ho til Skånevik!
Kjem Erna no då?
Simen: Ho skreiv brev tilbake om at ho har lyst å leike Police på kontoret sitt!
HER ER REGLANE I LEIKEN:
